الطبل بيدق عالي ، على طول ..
النمر اللي بيجري دايما عكس إتجاه الهوا ، بسرعة ( عشان خلاف إتولد ما بينهم زمان ، و لسه بيكبر معاهم ) بيسرّح وبره لورا ، و بيخلي شكله يخوف أكتر .. و بيزود اللمعة في عيونه .
النمر الوحيد بيفرض سطوته بين السهول الممتدة لحد آخر ما عنيه بتوصل : كان إسمه حرفين " سا "
و اللمعة في عيونه اللي كات بتعيش يا دوب تِلت يوم ، من آخر النهار لنص الليل ، بتخلي النمر يشوف في الضلمة كلام كتير : "الكلام اللي بينور لحد نص الليل بين القطط و التلج ، و البنات العريانة و المرايات ، و العنب الزبيب و الرقص " .. بينطفي من نص الليل لآخره ، و بيبفضل النمر لوحده يهاتي مع خياله اللي مش باين من الضلمة.
بينطفي الكلام – في عيون النمر – لحد الصبح ما ييجي منور بكلام الهوا المقصود : إن مافيش أحلى من كلام آخر الليل .
فيبتدي النمر يجري ، تملي ضد الهوا بسرعة .. لحد قطع النفس و لحد آخر النهار .
الهوا الرايح كمان كان إسمه حرفين " مو "
النمر الوحيد في التلوج الشرقية البعيدة ، ممكن نشوفه راجل ماعرفش يبقى فلاح أو صياد أو راعي ، يا دوب بقى ملحمة مضحوك عليها من الزمن ، عايشة في زمنا اللي بيقطع النفس لحد آخر النهار ، و لحد آخر العمر !!
إنما في الحقيقة ، فالنمر كان تالت تلاتة خلفتهم الدنيا في نفس التِلت من اليوم القديم ، ( اللي إتسرق فيه من العجوز نظره ) : النمر و الهوا و جنية الأمنيات.
الجنية كانت خلاف إتولد ما بين النمر و الهوا ، و أمنية مشتركة مارضيتش تهاديها لواحد على حساب التاني ، و " الخطاوي اللي بيجروها " كانت عمر الخلاف اللي عمال يكبر ما بينهم ، و بعدهم عن الجنية اللي نسيوها وسط الأمنيات اللي مش بتتحقق .
الطبلة لسة بتدق عالي .. و لسة على طول
النمر اللي عمره ما شاف كلام آخر الليل ، بطل يسمع كلام نص الليل ، على شان عمره ما حس إنه هايكمل ، مع الوقت نسي هو ليه لسة مكمل " جري قطع النفس " بتاع كل يوم ضد الهوا .. نسي ملامح البنت العريانة اللي كانت بتبتسمله في المراية الفضة و بتطبع بشفايفها بوسة مدورة ملتهبة الحَمَار ، ممكن تبهت ، لحد ما تلحقها ببوسة جديدة مع دقة نص الليل ، عمرها ما تخليها تختفي .
" سا " كان ممكن يكون شخص عايش في زمننا ، و داير في الساقية المقفولة اللي بتخليه يلف علشان يملك أشياء بتجبره إنه يلف أكتر . بس إحنا إتفقنا إنه مجرد نمر .
و في يوم من أيامه اللي أدمن فيها عنبية القش المحروق ، و عدم الإنصات للكلام اللي بينور ، و بعد ما شافته أخته - اللي ما تعرّفهاش- بعيون الوحشة و الصعبنة .. قررت إنها تسيبله أمنيته اللي جري عمره مستنيها .. سابتله كلام منور بطول الليل و مداه ..
و لما أخيرا جه الليل اللي هاينور بطوله .. ماقدرش " سا " يسمع كلام آخر الليل اللي فضل طول عمره مستنيه .. كان صوت الطبلة العالي لسة بيدق .. لسة على طول ...
و لما أخيرا جه الليل اللي هاينور بطوله .. ماقدرش " سا " يسمع كلام آخر الليل اللي فضل طول عمره مستنيه .. كان صوت الطبلة العالي لسة بيدق .. لسة على طول ...
جنية الأمنيات كان إسمها " راي "
عن أسطورة الساموراي الغير مكتمل .. إهداء لأجمل شخص في العالم : دينا ماهر
انا هقراها للمره السته و اوعدك انها هتبقيا خر مره , ما هو كتر السكر هيؤدي للتطويح , و انا بنت محترمهو مش هينفع اتطوح يعني !!:) لو كلامي طلع مسترسل خلاص انت عرفت اني سكرانه :) بالكلام و النعمه تذكر اني بنت محترمه :)
ردحذفهقولك علي محطات اخذان النفس لاني ببقي خلااااص روحي بتروح من كتمي ليه علشان اركز:)
و اللمعة في عيونه اللي كات بتعيش يا دوب تِلت يوم
و بيبفضل النمر لوحده يهاتي مع خياله اللي مش باين من الضلمة.
لحد الصبح ما ييجي منور بكلام الهوا المقصود : إن مافيش أحلى من كلام آخر الليل .
فالنمر كان تالت تلاتة خلفتهم الدنيا في نفس التِلت من اليوم القديم
الجنية كانت خلاف إتولد ما بين النمر و الهوا ، و أمنية مشتركة مارضيتش تهاديها لواحد على حساب التاني ، و " الخطاوي اللي بيجروها " كانت عمر الخلاف اللي عمال يكبر ما بينهم ، و بعدهم عن الجنية اللي نسيوها وسط الأمنيات اللي مش بتتحقق .
بطل يسمع كلام نص الليل ، على شان عمره ما حس إنه هايكمل ، مع الوقت نسي هو ليه لسة مكمل " جري قطع النفس "
ممكن تبهت
سابتله كلام منور بطول الليل و مداه
يا لهوي ده اطول تعليق عملته في حياتي , تقريبا عملت التدوينه كله , بس انا عملت محطات اخذ النفس و للصراحه قليل من التامل و الانصات لصوت بعيد بيقولي حاجه ما قلهاش قبل كده :)
لو قلت انا عايزه كتاب منك فيه كللل تفاصيلك دي هبقي بنت زنانه و رزله , بس و ان كان انا زنانه و رزله و عايزه كتاب فيه من ده كتيييييييير , لو ملكته اقدر اقول اني ملكت باب سعاده مفتاحه معايا , اما عن دوده ( انا بحبها حب خرافي و ان كانت ما تعرفش ده لاني بتكسف اعبر عن حبي بصراحه كبيره , بس دلوقتي حبيتها اضعاف مضاعفه اصلاا اصلاا و الحب ده خطر بقي ) دوده من هنا اهديكي ورده في ذكاوه عباد الشمس و خفه دم القرنفل و صراحه الورد البلدي , ورده عموله ليكي انتي و بسسسس :)