هل رأى أحدكم " بايلو " ؟؟
البلشون الصغنن اللي الريش الأبيضاني مغطيه من راسه ، و الريش الإسوداني مغطيه من ساسه ؟
الحكاية اللي فضلت مستنياه 3 صفح فاضيين ، قررت تغير أسلوبها في التدوير عليه . و لما نزلت للشط المهول اللي بيهرب منه السمك الرمادي في نص الليل ، و بيصبح طائر واسع الجناح ضيق القلب ، سألته عن البلشون الصغنن .. فشاورلها على صحابه .
صحاب " بايلو " يا دوب كانوا إبتدوا يرفرفوا .. اللحظة دي -( اللي كانت مبسوطة جدا من نفسها ، لكنها ماطارتش !! من الفرحة )- كانت أول مرت طيران للجيل الجديد من البلشون .
الرفرفة خدتهم فوق المحيط يراقبوا المَيّة اللي بتتحول من الأخضر التدريجى للأزرق اللا نهائي.. الحكاية اللي بتّدور على بايلوا كانت مبسوطة و هي طايرة مع صحابه وسط السماوات الزرقة : أزرق سماوي.
بيميلو ع الموج و يجوعوا من الفرحة و م التعب و من فتحة النفس ، فيقربوا لاجل يصطادوا السمك ، و مع أول لحظة بلل يتحولوا كلهم : الموج : بوابة مسحورة - المحيط : بيت كبير مليان أوّض - البلشون : 5 اخوات من البني آدمين اللي ودانهم زي الباندا - الحكاية : لأم بتدور على إبنها اللي ناقص .
حد شاف " بايلو " ؟
البيت اللي كان مليان أوض فاضية كان زي المتاهة .. كل ولد من الأولاد الخمسة لقى نفسه في أوضة لوحده . اللعبة إبتدت لما البيت إبتدى يغني موسيقى قديمة بجرسه و بس .. الموسيقى الجرسية كانت بترسم في خيال الولاد ذكرياتهم سوا : فساتين حمرا ، و زرقا و دهبي ، و فراشات و ورود و دفا .. و لإن المزيكا اللي من زمان إتجوزت الرقص ، و بطلت تتوجد من غيره .. خطوات الولاد المظبوطة خدت كل واحد فيهم للطريق المظبوط للأوضة الكبيرة اللي مليانة أكل ، إتجمعوا كلهم على الترابيزة الكبيرة ، و كلوا أصناف جديدة من الـ " جابو-تاكابا "، و " أصابع بودا "، و " فاكهة النجوم " و الـ " باو باو ".
و بعد الوليمة المذهلة خرجوا الولاد يجروا في كل الأوض لحد ما ناموا من التعب و بفعل تأثير النجوم ، و لما صحيوا لقوا نفسهم طيور من البلشون الأبيض اللي بيرفرف قصاد البحر .. بس كانوا شبعانين ..
الحكاية اللي ضيعت من عمرها صفح كتيرة ، و لسة مش عارفة فين بايلو إتخيلت إنه خايف من الرفرفة أو من البحر أو من متاهة البيت أو من كلامه اللي زي الجرس .. أو إنه مش موجود .
هل رأى أحدكم بايلو ؟؟
البلشون العجوز اللي الريش الأبيضاني مغطيه من راسه ، و الريش الإسوداني مغطيه من ساسه ؟؟
البلشون الصغنن اللي الريش الأبيضاني مغطيه من راسه ، و الريش الإسوداني مغطيه من ساسه ؟
الحكاية اللي فضلت مستنياه 3 صفح فاضيين ، قررت تغير أسلوبها في التدوير عليه . و لما نزلت للشط المهول اللي بيهرب منه السمك الرمادي في نص الليل ، و بيصبح طائر واسع الجناح ضيق القلب ، سألته عن البلشون الصغنن .. فشاورلها على صحابه .
صحاب " بايلو " يا دوب كانوا إبتدوا يرفرفوا .. اللحظة دي -( اللي كانت مبسوطة جدا من نفسها ، لكنها ماطارتش !! من الفرحة )- كانت أول مرت طيران للجيل الجديد من البلشون .
الرفرفة خدتهم فوق المحيط يراقبوا المَيّة اللي بتتحول من الأخضر التدريجى للأزرق اللا نهائي.. الحكاية اللي بتّدور على بايلوا كانت مبسوطة و هي طايرة مع صحابه وسط السماوات الزرقة : أزرق سماوي.
بيميلو ع الموج و يجوعوا من الفرحة و م التعب و من فتحة النفس ، فيقربوا لاجل يصطادوا السمك ، و مع أول لحظة بلل يتحولوا كلهم : الموج : بوابة مسحورة - المحيط : بيت كبير مليان أوّض - البلشون : 5 اخوات من البني آدمين اللي ودانهم زي الباندا - الحكاية : لأم بتدور على إبنها اللي ناقص .
حد شاف " بايلو " ؟البيت اللي كان مليان أوض فاضية كان زي المتاهة .. كل ولد من الأولاد الخمسة لقى نفسه في أوضة لوحده . اللعبة إبتدت لما البيت إبتدى يغني موسيقى قديمة بجرسه و بس .. الموسيقى الجرسية كانت بترسم في خيال الولاد ذكرياتهم سوا : فساتين حمرا ، و زرقا و دهبي ، و فراشات و ورود و دفا .. و لإن المزيكا اللي من زمان إتجوزت الرقص ، و بطلت تتوجد من غيره .. خطوات الولاد المظبوطة خدت كل واحد فيهم للطريق المظبوط للأوضة الكبيرة اللي مليانة أكل ، إتجمعوا كلهم على الترابيزة الكبيرة ، و كلوا أصناف جديدة من الـ " جابو-تاكابا "، و " أصابع بودا "، و " فاكهة النجوم " و الـ " باو باو ".
و بعد الوليمة المذهلة خرجوا الولاد يجروا في كل الأوض لحد ما ناموا من التعب و بفعل تأثير النجوم ، و لما صحيوا لقوا نفسهم طيور من البلشون الأبيض اللي بيرفرف قصاد البحر .. بس كانوا شبعانين ..
الحكاية اللي ضيعت من عمرها صفح كتيرة ، و لسة مش عارفة فين بايلو إتخيلت إنه خايف من الرفرفة أو من البحر أو من متاهة البيت أو من كلامه اللي زي الجرس .. أو إنه مش موجود .
هل رأى أحدكم بايلو ؟؟
البلشون العجوز اللي الريش الأبيضاني مغطيه من راسه ، و الريش الإسوداني مغطيه من ساسه ؟؟
ليست هناك تعليقات:
إرسال تعليق